C.
ყურანი სამყაროს საწყისის შესახებ:
თანამედროვე კოსმოლოგიის მეცნიერება პრაქტიკული და თეორიული ცოდნის საფუძველზე
აღნიშნავს, რომ ოდესღაც მთელი სამყარო კვამლის (გაუმჭირვალე, საკმაოდ სქელი და ცხელი
აირის ნაერთი) ერთი დიდი ღრუბელი იყო.[1] ეს სტანდარტული თანამედროვე კოსმოლოგიის უეჭველი პრინციპია. მეცნიერები ახლა ამ კვამლისაგან წარმოშობილ ახალ ვასკვლავებს აკვირდებიან (იხ. მე-10, მე-11 სურათები). ის
კაშკაშა ვარსკვლავები, რომლებსაც ჩვენ ღამით ვხედავთ, მთელი სამყაროს
მსგავსად, კვამლის ერთი დიდი ღრუბელი იყო.
ღმერთმა თქვა ყურანში: „41/12. ამგვარად, მან გამოსახა ისინი შვიდ ცად ორ დღეში და შთააგონა
ყოველ ზეცას თავისი მოვალეობა...“ (41-ე სურა; XII მუხლი).
რადგანაც დედამიწა და ზეცა (მზე, მთვარე, ვასკვლავები, პლანეტები, გალაქტიკა
და ა. შ.) ერთი და იგივე კვამლის ღრუბლისაგან ჩამოყალიბდნენ, ჩვენი ვარაუდით დედამიწა
და ზეცა ერთი მთლიანობა იყო. ისინი ჰომოგენური კვამლისგან ჩამოყალიბდნენ და შემდგომ
ერთმანეთს გამოეყვნენ.
ღმერთმა
თქვა ყურანში: „21/30. ნუთუ ვერ დაინახეს, რომელთაც უარყვეს, რომ ცანი და მიწა ერთიანი
იყო, შემდეგ ჩვენ ერთმანეთისგან გავყავით...“
(21-ე სურა; XXX მუხლი).დოქტორ ალფრედ კრონერი მსოფლიოში ერთ-ერთი გამოჩენილი გეოლოგია. იგი გეოლოგიის პროფესორია და გერმანიის ქალაქ მეინზის იოჰან გუტენბერგის უნივესიტეტის, გეობეცნიერებათა ინსტიტუტის გეოლოგიის კათედრის გამგეა. მან თქვა: “როდესაც მუჰამმედის წარმომადგენლობაზე ვფიქრობ, ვხვდები, რომ მას არ შეეძლებოდა ცოდნოდა სამყაროს საწყისის შესახებ, რადგანაც მეცნიერებამ ეს სფერო რამდენიმე წლის წინ გამოიკვლია უახლესი ტექნოლოგიებისა და მეთოდების წყალობით”.[2] მან აგრეთვე თქვა: “ადამიანს, რომელსაც 14 საუკუნის წინ წარმოდგენაც არ ჰქონდა ატომურ ფიზიკაზე, თავისით ვერ მიხვდებოდა, რომ დედამიწასა და ზეცას ერთი და იგივე საწყისი ჰქონდა”.[3]
სურათი 10. ახალი ვარსკვლავი აირისა და მტვრისგან ყალიბდებოდა
(ბურუსი), რაც იმ კვამლის ნაშთია, რომელისგანაც ერთ დროს სამყარო წარმოიშვა (კოსმოსის
ატლასი, ჰითერი და ჰენბესტი, გვ. 50).
სურათი 11. ლაგუნას ბურუსი აირის და მტვრის ღრუბელია,
რომლის დიამეტრიც 60 სინათლის წელიწადია. იგი წარმოიშვა მის დიამეტრში მყოფი გავარვარებული
ვარსკვლავების ულტრაიისფერი რადიაციისგან (ჰორიზონტები, სამყაროს კვლევა, მარცვლები,
9-ე ფილა, უნივერსიტეტების ასოციაციისგან ასტრონომიის კვლევისათვის).
[1] პირველი სამი წუთი, თანამედროვე შეხედულება სამყაროს საწყისზე, ვიენბერგი, გვ. 94-105.
[2] ამ კომენტარის წყაროა “ეს ჭეშმარიტებაა” (ვიდეოკასეტა). ამ ჩანაწერის გადმოსაწერად ან პროფესორი კეით მურის კომენტარების ვებ-გვერდზე სანახავად ესტუმრეთ www.islam-guide.com/truth