ბიბლიაში არსებული
წინასწარმეტყველება მუჰამმედის, ისლამის მქადაგებლის მოსვლის თაობაზე
ბიბლიაში
არსებული წინასწარმეტყველება შუამავალ მუჰამმედის მოსვლის თაობაზე ისლამის ჭეშმარიტების
დამადასტურებელი საბუთია იმ ხალხისთვის, რომლებსაც ბიბლიის სჯერათ.
მეორე რჯულის 18-ე თავში, მოსემ გადმოსცა ის, რაც ღმერთმა უთხრა: „შენ რომ
ხარ, ისეთ წინასწარმეტყველს დავუდგენ მოძმეთა წრიდან, ბაგეზე დავუდებ ჩემს სიტყვებსა და ის გამოგიცხადებს ყველაფერს, რასაც მე ვუბრძანებ.
თუ ვინმე არ შეისმენს ჩემს სიტყვებს, რომელთაც ის გამოაცხადებს ჩემი სახელით, თავად
მე მოვთხოვ მას პასუხს“ (მეორე რჯული, 18-ე თავი,
18-19)[1].
ამ სტრიქონებიდან ჩვენთვის ნათელია, რომ ამ შუამავალს სამი მახასიათებელი რამ
უნდა გააჩნდეს:
1. იგი მოსესნაირი უნდა იყოს.
2. ის ებრაელების ძმათა წრიდან უნდა იყოს.
3. ღმერთი მას თავისი პირით ალაპარაკებს და იგი ღმერთის ნათქვამს გაავრცელებს.
მოდით ეს სამი საკითხი უფრო ღრმად
განვიხილოთ.
1)
მოსესნაირი
წინასწარმეტყველები: არცერთი წინასწარმეტყველი არ ჰგავდა ისე ერთმანეთს, როგორც მოსე და მუჰამმედი ჰგავდნენ. ორივე ფუფუნებით აღსავსე ცხოვრებას
ეწეოდა. ორივეს ჰყავდა მტრები და მათზე გამარჯვება სასწაულებრივი გზებით მოახერხეს.
ორივე აღიარეს შუამავლად და სახელმწიფო მოღვაწედ. ორივე სხვაგან გადასახლდა და მათ მოკვლას ხშირად ცდილობდნენ.
ამდენი მსგავსება არც იესოსა და მოსეს შორის ყოფილა. ქრისტესაგან განსხვავებით, მოსეც
და მუჰამმედიც ბუნებრივი გზით იშვნენ, ოჯახი ჰქონდათ და ბოლოს ორივე მათგანი გარდაიცვალა. და
კიდევ, იესოს მისი მიმდევრები ღვთის შვილს უწოდებდნენ და არა შუამავალს. მოსე და მუჰამმედი კი შუამავლები იყვნენ, მუსულმანების აზრით,
იესოც შუამავალი იყო. ამ სტრიქონებიდან გამომდინარე, აშკარაა, რომ საუბარია მუჰამმედზე და არა იესოზე, რადგანაც მუჰამმედი მოსეს უფრო ჰგავდა.
იოანეს სახარებიდან ჩანს, აგრეთვე, რომ ებრაელები შემდეგი სამი წინასწარმეტყველების
ახდენას მოელოდნენ:
1) იესოს მოსვლას;
2) ელიას მოსვლას;
3) შუამავლის მოსვლას.
ეს ნათლად ჩანს იმ სამი კითხვიდან, რომლებიც იოანე ნათლისმცემელს დაუსვეს.
„და ეს არის, მოწმობა იოანესი, როცა იუდეველებმა წარგზავნენ იერუსალიმიდან მღვდლები
და ლევიტელნი, რათა ეკითხათ მისთვის: ვინა ხარ შენ? და აღიარა, როლი უარყო; დიახ, აღიარა:
მე ვარ იესო. და ჰკითხეს მას: მაშ ვინ? ელია ხარ? და თქვა: არა ვარ. შუამავალი ხარ?
და მიუგო: არა“ (სახარება იოანესი, I თავი, 19-20). ბიბლიას ყურადღებით თუ წავიკითხავთ,
მივხვდებით, რომ იოანეს სახარების პირველი თავის
21-ე სტრიქონში ნახსენები „წინასწარმეტყველი“ სწორედ ის შუამავალია, რომელიც
მეორე რჯულის მეთვრამეტე თავის მე-15 და მე-18 სტრიქონებშია ნახსენები. აქედან გამომდინარე, ჩვენ ვვარაუდობთ, რომ მეორე
რჯულის მე-18 თავის სტრიქონში
ნახსენები შუამავალი იესო არ არის.
2) ებრაელების ძმათა წრიდან: აბრამს (იბრაჰიმს) ორი ვაჟი ჰყავდა, ისმაელი და ისააკი (დაბადება 21). ისმაელი არაბი ერის
წინამძღოლი გახდა, ისააკი კი ებრაელების. წინასწარმეტყველი, რომელზეც ზემოთ იყო საუბარი,
ებრაელი კი არა, მათი მოძმე ერიდან უნდა ყოფილიყო წარმოშობით. სწორედ მუჰამმედი, ისმაელის შთამომავალი იყო ეს წინასწარმეტყველი, ანუ ღვთის შუამავალი.
აგრეთვე, ესაია შუამავალი საუბრობს ღვთის მსახურზე, მის რჩეულსა და გზავნილზე,
რომელიც ქვეყანაზე სამართლიანობას დაამყარებს (ესაია შუამავალი, 42-ე თავი, 1-13).
„არ შედრკება და არ მოეშვება, ვიდრე ქვეყნად სამართალს არ დაამყარებს. მის რჯულს
მოელიან ზღვისპირელნი“ (ესაია შუამავალი, 42-ე თავი, 4).
მეთერთმეტე სტრიქონში ხალხი, გზავნილის, ვინმე კედარის მოლოდინშია. ვინ არის
კედარი? დაბადების 25-ე თავის მე-13 სტრიქონში ნათქვამია,
რომ კედარი ისმაელის ძეა, შუამავალ მუჰამმედის წინაპარი.
3) ღმერთი მას თავისი პირით ალაპარაკებს: ღმერთმა მართლაც აალაპარაკა მუჰამმედი თავისი სიტყვებით. ღმერთმა მუჰამმედს ღვთის სიტყვების დასწავლაში დასახმარებლად ანგელოზი გაბრიელი გაუგზავნა,
რათა მას სრული სიზუსტით გადაეცა ხალხისთვის ღმერთის ნათქვამი. ეს მისი სიტყვები არ
არის. ეს მისი ნააზრევის შედეგი არ არის, ღმერთმა იგი თავისი პირით ანგელოზ გაბრიელის
დახმარებით აალაპარაკა. მუჰამმედის ცხოვრების
მანძილზე ამ სიტყვებს მისი თანამოაზრეები მისი მეთვალყურეობით იზეპირებდნენ და წერდნენ.
მეორე რჯულში ღმერთმა თქვა: „თუ ვინმე არ შეისმენს ჩემს სიტყვებს,
რომელთაც ის გამოაცხადებს ჩემი სახელით, თავად მოვთხოვ მას პასუხს“ (მეორე რჯული,
18-ე თავი, 19).
იმას ნიშნავს, რომ მას, ვისაც ბიბლიის სჯერა, ამ
შუამავალი ნათქვამისაც უნდა დაიჯეროს, ეს შუამავალი კი ღვთის შუამავალი მუჰამმედია (მუჰამმედისა და ბიბლიას შორის არსებულ კავშირზე დამატებითი
ინფორმაციის მოსაპოვებლად გთხოვთ, ესტუმრეთ www.islam-guide. com/mib).